Vətəndaşların ictimai nəqliyyata olan əlçatanlığını artırmaq məqsədilə 57B nömrəli müntəzəm avtobus marşrutu fəaliyyətə başlayır. Bu addım sərnişinlərin rahat hərəkətini təmin etmək üçün atılıb.
Yeni marşrut xətti noyabrın 23-dən etibarən sərnişinlərin xidmətində olacaq. Avtobuslar “Həzi Aslanov” metrostansiyasının yaxınlığındakı Məhəmməd Hadi küçəsini Sabah City yerləşən Kazımağa Kərimov küçəsi ilə birləşdirəcək.
Xətt üzrə daşımaları “Bakubus” MMC həyata keçirəcək. Marşrut üzrə 4 avtobus 15 dəqiqəlik hərəkət intervalı ilə işləyəcək.