Hava

Noyabrın 22-də Bakıda və Abşeronda gözlənilən hava proqnozu

Milli Hidrometeorologiya Xidməti noyabrın 22-də Bakıda və Abşeron yarımadasında axşam saatlarında yağıntı gözlənildiyini açıqlayıb.

Bakıda və Abşeron yarımadasında noyabrın 22-də hava şəraitinin əsasən dəyişkən buludlu və yağmursuz olacağı, lakin axşam bəzi yerlərdə yağış yağacağı ehtimal edilir. Gecəyə doğru yarımadanın ayrı-ayrı nöqtələrində yağışın qısamüddətli intensivləşəcəyi gözlənilir.

Ərazidə mülayim şimal-qərb küləyi əsəcəkdir. Atmosfer təzyiqi 756 millimetr civə sütunundan 761 millimetr civə sütununa qədər yüksələcək, nisbi rütubət isə 70 ilə 75 faiz arasında olacaqdır.

Havanın temperaturu gecə saatlarında 10-13 dərəcə isti, gündüz isə 15-18 dərəcə isti təşkil edəcəkdir.